Plantun de Prouvènço

Pèr coumpara dos planto d'encò nostre

Drymochloa sylvatica & Myosotis arvensis

Drymochloa sylvatica

Poaceae Graminaceae

Nom en français : Fétuque des bois.

Descripcioun :
La petugo-de-fourèst trachis en mato dins li séuvo fresco de mountagno. Li fueio soun larjo de 4 à 14 mm, quàsi lisco e proun plegadisso. La paumo èi pulèu claro emé d'espigueto de 5 à 8 mm emé 2 à 5 flour. Li lemma soun pouchudo mai pas barbudo. Lou gènre Drymochloa se destrìo de Festuca qu'a de fueio sènso auriheto (fotò).

Usanço :
Es uno bono planto pasturiero.

Port : Grando erbo
Taio : 0,5 à 1,2(2) m
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Drymochloa
Famiho : Poaceae
Famiho classico : Graminaceae

Coulour de la flour : Verdo
Petalo : ges
Ø (o loungour) enflourejado : 10 à 15 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à avoust

Liò : Faio - Blachiero - Fourèst fresco - Mountagno mejano
Estànci : Mountagnard à Subaupen
Couroulougi : Éuropenco
Ref. sc. : Drymochloa sylvatica (Pollich) Holub, 1984 (= Festuca altissima All., 1789 )

Te-vese-e-t'ame(-de-champ)

Myosotis arvensis

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Noms en français : Myosotis des champs, Myosotis intermédiaire.

Descripcioun :
Aquéu te-vese-e-t'ame trachis di plano de coustiero fin qu'en mountagno. Es uno planto coumuno, mai pas toujour eisado de destria de si cousino. Dins lou group di flour pichoto (1 à 4 mm), soun pulèu li mai grando, si cambo soun un pau mai espésso (> 1mm), e emé d'enflourejado que fan mens de la mita de la planto. Se recounèis classicamen que li pecou di flour d'en bas dèvon èstre dous cop mai long que li sepalo di flour, mai sèmblo pas toujour lou cas.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").